Valdres Katolske Forum - Program for våren 2006

Valdres katolske forum er eit lag med eige styre som arbeider for å gje eit religiøst tilbod og byggje opp eit katolsk miljø i Valdres-regionen - for katolikkar og andre interesserte. Forumet byggjer på Den katolske kyrkja si tru, lære og tradisjon - med basis i Bibelen og katekisma for Den katolske kyrkja. Forumet er tilslutta Norske kirkeakademier.

Bilde

Programmet for vårhalvåret 2006 er nå klart. Før me tek til på 2006, blir det ei ekstramesse i desember: Torsdag 15. desember 2005 Vang kyrkje kl. 14.30. Katolsk julemesse på engelsk v/pater Ellert Dahl OP. Kollekt. Det blir høve til skriftemål før messa.

Valdres katolske forum prøver å leggje opp til å feire katolsk messe i Valdres ein gong i månaden, i hovudsak andre fredagen i kvar månad. Vi har også enkelte program berre med foredrag. Det kan bli endringar i programmet, så det løner seg å følgje med i gudstenestelista i avisa Valdres for å få stadfesta det enkelte arrangementetx:

Styret i forumet

Valdres katolske forum vil få nytt styre under årsmøtet i januar. Fram til då sit følgjande: Leiar Helge Gudheim, Ulnes, Nestleiar Birgith Haugen Kalve, Bergen, kasserar Shirani Jevne, Ryfoss, skrivar Laila Kaprud Kollum, Oslo, og styremedlem Trine Lundstein, Etnedal.

Økonomi

Valdres katolske forum får gjennom Norske kirkeakademier økonomiske tilskot til foredragsverksemd. Den andre aktiviteten må me skaffe pengar til sjølve, hovudsakleg gjennom kollekt. Dersom du ynskjer å støtte verksemda vår, tek me imot gåver på følgjande kontoar:

• 2153.07.12068: Messedrift
• 2153.20.21976: Konto for transportstøtte for katolske asylsøkjarar ved mottaka i Vang og Røn

Adresseliste

Valdres katolske forum har ingen medlemmer, men fører ei adresseliste over katolikkar busette i Valdres, og andre som ynskjer å motta programmet vårt. Me ber om at dei som har e-postadresse gjev ho til oss, slik at du kan få programmet tilsendt elektronisk. Det vil spare oss for portoutgifter. Meld også frå om adresseendringar. E-postadressa vår er: valdreskatolskeforum@hotmail.com

Transportbehov?

Dersom nokon treng skyss for å koma til våre arrangement, ber me om at de melder frå til leiaren på tlf. 61363184, så skal me prøve å hjelpe dykk. Så lenge me har pengar på vår transportkonto, kan me delvis subsidiere bussbillett for asylsøkjarar til messene våre – så langt pengane rekk.

Melding fra Valdres katolske forum/ KI - Katolsk Informasjonstjeneste (Oslo) (14. desember 2005)